close
阿嬌力抗國內美食誘惑
近日忙於為個人唱片而四出宣傳的阿嬌（鍾欣桐），昨日到新城電台接受訪問時就向記者大吐苦水，幾天後又要飛回大陸趕拍新劇，直至農曆新年後才可回港，並要在國內過生辰，十分可憐。
她謂：「上年生日又國內拍劇度過，今年又係！唉，相信國內劇組人員，都會準備定生日蛋糕畀我喇。」
她回想上次到大陸工作時，因天氣寒冷而引發食慾大增，她今次就誓言要力抗美食誘惑，要Keep住體重：「點都唔會肥！」說時咬牙切齒，十分肉緊。
提到大師姐容祖兒於昨晚舉行的首場演唱會，阿嬌則表示一定會捧場：「首場我應該睇唔晒全場啦，因為要趕住試衫，好多工作要做，今日又有發布會，惟有今晚先可以坐定定睇足全場囉，總之撐得幾多場就幾多場啦！」占士報道
本文轉錄自:http://www.hkdailynews.com.hk/enews.php?id=133353&scid=28
全站熱搜
留言列表
